Ўзбекистон Республикаси Президенти Шавкат Мирзиёевнинг Фарғона вилоятига ташрифи

Ўзбекистон Республикаси Президенти Шавкат Мирзиёев Фарғона вилоятига ташрифини Олтиариқ туманининг адирлик қисмида ташкил этилган 1000 гектар майдондаги токзор ва боғни кўришдан бошлади.
Ушбу жойнинг ўзида Уруғчиликни ривожлантириш маркази тасарруфидаги элита уруғчилик хўжаликлари томонидан янги ва қайта тикланаётган маҳаллий сабзавот, полиз, мойли, дуккакли, озуқа экинлари ва гул уруғларини етиштириш бўйича амалга оширилаётган ишлар ҳам таништирилди.
Шунингдек, мева-сабзавотчилик ва гулчиликни ривожлантириш бўйича лойиҳалар тақдимот қилинди.